सर्वाङ्गासन
सर्वाङ्गासन तीन शब्द मिलेर बनेको छ – सर्व अर्थात सबै अङ्ग अर्थात शरीर र आसन अर्थात मुद्रा । 

विधि

• ढाडको बलमा जमिनमा उत्तानो सुत्नुहोस् । 
• खुट्टा जोड्नुहोस् र हातलाई तिघ्राको दुवैतर्फ जमिनतिर फर्काएर राख्नुहोस् । 
• बिस्तारै स्वास तान्दै दुवै खुट्टालाई एकैसाथ बिस्तारै ९० डिग्रीसम्म उठाउनुहोस् ।
• कुहिनाले टेक्नुहोस् र हातको सहायताले कम्मरलाई पनि उठाउनुहोस् । 
• तपाईँको दृष्टि खुट्टाको बुढी औँलामा हुनुपर्दछ । 
• केही क्षण यस अवस्थामा बसेपछि हातलाई जमिनमा राख्दै पहिला ढाड र फेरि खुट्टालाई जमिनमा टेकाउनुहोस् । 
• केही बेर आराम गरेर फेरि यो प्रकृयालाई ३ पटकसम्म दोहो¥याउनुहोस् । 

लाभ

• थाईराईडलाई सक्रिय बनाउँछ । 
• बच्चाहरुको उचाई बढाउन उपयोगी हुन्छ । 
• श्वास–प्रश्वासमा सुधार गर्दछ । 
• शरीर र मनलई शान्त गराई एकाग्र राख्न मद्दत गर्दछ । 

सावधानी

• यो आसन योग्य शिक्षकको निगरानीमा मात्र गर्नुपर्दछ । 
• घाँटीको समस्या भएको, हाड खिईएको, पिनाँस, हृदय रोग र उच्च रक्तचापका बिरामीले यो आसन गर्नुहुँदैन ।