पश्चिमोत्तासन
पश्चिमोत्तासन तीन शब्द मिलेर बनेको छ – पश्चिम अर्थात शरीरको पछाडिको भाग, उत्तानो अर्थात खिचिएको र आसन अर्थात मुद्रा । 
विधि

• दुवै खुट्टालाई सिधा फैलाएर जमिनमा बस्नुहोस् । 
• दुवै खुट्टाको बीचमा कुनै दुरी नहोस् र जति सक्नुहुन्छ अगाडि तन्काउनुहोस् । 
• घाँटी, शिर र मेरुदण्डको भागलाई सिधा राख्नुहोस् । 
• दुवै हत्केलालाई घुँडामा राख्नुहोस् । 
• मेरुदण्डलाई नझुकाईकन बिस्तारै अगाडि झुक्दै जानुहोस् । 
• शिर र निधारले दुवै घुँडालाई छुने प्रयास गर्नुहोस् । 
• केही समय यो मुद्रामा बस्नुहोस् र बिस्तारै पूर्व अवस्थामा आउनुहोस् । 

लाभ

• यो आसनले तनाव कम गर्न मद्दत गर्दछ । 
• हड्डी लचिलो बनाउँछ । 
• पाचनशक्ति बढाउँछ । 
• अनिन्द्राको समस्या हटाउन मद्दत गर्दछ । 

सावधानी

• यो आसन गर्दा शारीरिक क्षमताभन्दा बढी जोड गर्नुहुँदैन । 
• खाना खाने बित्तिकै पश्चिमोत्तासन गर्नुहुँदैन । 
• उच्च रक्तचापको बिरामीले यो आसन गर्नुहुँदैन ।