चक्रासन
साझा गर्नुहाेस्:
चक्रासन
यो आसन गर्दा शरीरको आकृति चक्रजस्तो बन्ने भएकोले यस आसनलाई चक्रासन नामाकरण गरिएको हो । संस्कृतमा यो आसनलाई उध्र्व धनुरासनको नामबाट जानिन्छ ।
विधि
- यो आसनलाई योग्य शिक्षकको मार्गदर्शनमा मात्र गर्नुपर्दछ ।
- सबैभन्दा पहिला उत्तानो फर्केर सुत्नुहोस् ।
- घुँडालाई मोडेर खुट्टालाई जति सकिन्छ हिप्सको नजिक ल्याउनुहोस् । खुट्टाहरुको बीचमा आधा फिट जतिको दुरी हुनुपर्दछ ।
- दुवै हत्केलालाई शिरको माथिबाट जमिनमा राख्नुहोस् ।
- पैताला र हत्केलाको बलमा शरीरलाई आकाशतिर उठाउनुहोस् ।
- शरीरलाई जति सक्दो माथि लगिसकेपछि अर्ध चक्रको आकार भएको ख्याल गर्नुहोस् ।
- यो आसन गर्दा शरीरको तौल खुट्टा र हात दुवैतर्फ बराबर बाँडिएको हुनुपर्दछ ।
- ३० देखि ६० सेकेण्डसम्म यो आसनमा रहेर बिस्तारै शरीरको भागलाई जमिनतिर ल्याउँदै पूर्व अवस्थामा आउनुहोस् ।
लाभ
- यो आसनले मनको शान्ति र एकाग्रता बढाउन मद्दत गर्दछ ।
- शारीरिक र मानसिक स्वास्थ्यको निमित्त लाभदायक छ ।
- हात र खुट्टालाई बलियो बनाउन मद्दत गर्दछ ।
सावधानी
- यो आसन योग्य शिक्षकको निर्देशनमा मात्र गर्नुपर्दछ ।
- मेरुदण्ड र पिठ्यूँको दुखाई भएको व्यक्तिले यो आसन गर्नुहुँदैन ।
- गर्भावस्था र मासिक धर्मको समयमा यो आसन गर्नुहुँदैन ।
साझा गर्नुहाेस्:
