कूर्मासन
कूर्मासन दुई शब्द मिलेर बनेको छ – कूर्म अर्थात कछुवा र आसन अर्थात मुद्रा । 

विधि

• दुवै खुट्टा फैलाएर चकटीमा बस्नुहोस् । 
• जति सकिन्छ खुट्टाहरु बीचको दुरी फैलाउँदै लैजानुहोस् । 
• शिरलाई अगाडि झुकाउँदै आफ्ना दुवै हातलाई घुँडाको मुनिबाट लैजानुहोस् ।
• सम्पूर्ण शरीरलाई झुकाउँदै आफ्नो चिउँडोलाई जमिनमा टेकाउनुहोस् । 
• दुवै हात र खुट्टालाई सिधा राखेर बाहिरतिर खिच्नुहोस् ।
• केही समय यो अवस्थामा रहेर बिस्तारै हात र खुट्टालाई खोल्दै शरीरलाई माथि उठाउनुहोस् । 

  
लाभ

• कूर्मासनले तनाव कम गर्दछ । 
• साधकलाई कुण्डलिनी जागरण गर्न मद्दत गर्दछ ।
• एकाग्रता बढाउँछ । 
• पेटको बोसो घटाउन मद्दत गर्दछ ।
• मेरुदण्डलाई लचिलो बनाउँछ ।

     
सावधानी

• कूर्मासन उच्च रक्तचापको बिरामीले गर्न हुँदैन । 
• घुँडा, कम्मर र मेरुदण्डमा दुखाई भएको व्यक्तिले योग्य शिक्षकको सल्लाह लिएर मात्र गर्नुपर्दछ ।