गोमुखासन
गोमुखासन तीन शब्द मिलेर बनेको छ – गो अर्थात गाई मुख अर्थात मुहार र आसन अर्थात मुद्रा । यो आसन गर्दा गाईको मुखको जस्तो आकृति बन्दछ । 
विधि

• बज्रासनमा बस्नुहोस् ।
•  दायाँ खुट्टालाई बायाँ जाँघको माथिबाट लगेर जमिनमा टेकाउनुहोस् । 
• बायाँ खुट्टालाई खोलेर कटीको भागलाई जमिनमा राख्नुहोस् । 
• दायाँ हातलाई काँध माथिबाट पछाडि लैजानुहोस् र बायाँ हातलाई तलबाट पछाडि लगेर एक अर्काको औँला समाउनुहोस् । 
• यस आसनमा केहीबेर बसेर १०–१५ पटकसम्म रेचक–पुरक गर्नुहोस् । 
• बिस्तारै हातलाई खोलेर पूर्व अवस्थामा आउनुहोस् । 

लाभ

• यो आसनले आस्थमाको बिरामीलाई रोग कम गर्न मद्दत गर्दछ । 
• मेरुदण्ड सिधा राख्न सहयोग गर्दछ । 
• कम्मर दुखाई कम गर्दछ । 
• मधुमेह रोगलाई सन्तुलित राख्दछ । 

सावधानी

• काँध, गर्धन र घुँडामा दुखाई छ भने यो आसन नगर्नुहोस् । 
• मेरुदण्डमा समस्या भएमा पनि यो आसन गर्न बर्जित छ ।