गरुडासन
गरुडासन दुई शब्द मिलेर बनेको छ – गरुड अर्थात चिल र आसन अर्थात मुद्रा । 
विधि

• सिधा उभिनुहोस् । 
• बिस्तारै बिस्तारै दायाँ घुँडालाई तलतिर झुकाउनुहोस् । 
• बायाँ खुट्टालाई दायाँ खुट्टाको अगाडिबाट घुमाएर एडीको भागलाई दायाँ खुट्टाको एडीमा अड्काउनुहोस् । 
• दुवै हातलाई काँधको उचाईमा उठाउनुहोस् । 
• दाहिने हातलाई बायाँ हातको माथिबाट घुमाएर हत्केला जोड्नुहोस् । 
• कुईना ९० डिग्रीको कोणमा मोडिएको हुनुपर्दछ । 
• शरीरलाई सन्तुलित राख्दै कटीको भागलाई बिस्तारै तलतिर लैजानुहोस् । 
• १५ देखि ३० सेकेण्डसम्म भृकुटीमा ध्यान राख्दै यो आसनमा रहनुहोस् । 
• बिस्तारै हात र खुट्टा खोलेर पूर्व अवस्थामा आउनुहोस् । 

लाभ

• ध्यान केन्द्रित गर्न र शरीरलाई सन्तुलित राख्न मद्दत गर्दछ । 
• कम्मर, खुट्टा र कटीको भागलाई लचिलो बनाउन मद्दत गर्दछ । 

सावधानी

• यो आसन योग्य शिक्षकको निगरानीमा मात्र गर्नुपर्दछ । 
• रक्तचापको बिरामीले यो आसन गर्नुहुँदैन ।