श्रीशिवपञ्चकम्

शिवपञ्चकम् (शारदी भजगाः)

साम्बपरमेश्वर प्रेमरसमाधुर ।
श्रावणसुरेश्वर स्वामिहृदयेश्वर ॥ १॥

लिङ्गधवलेश्वर प्राणपतिशङ्कर ।
पाहि वरदायक योगसुखसागर ॥ २॥

औषधरसायनं व्याधिभयनाशनम् ।
देहि कुशलं प्रभो सर्वजनताधनम् ॥ ३॥

कालियगलार्चितो भूषणगणावृतः ।
कालविषजालितो हेमशिखरार्चितः ॥ ४॥

मारतनुजालितः सारसकलीकृतः ।
हे विपुलशारदीलालितकलाकृतः ॥ ५॥

इति प्रदीप्तकुमारनन्दशर्मविरचितं शिवपञ्चकम् समाप्तम् ।